Son vaxtlar adı böyük klublarla yanaşı çəkilən “Ayaks”ın yarımüdafiəçisi Edson Alvares “Vest Hem”ə keçib.
London klubu Meksika millisinin üzvü üçün amsterdamlılara 31 milyon avro ödəyəcək. Xatırladaq ki, 25 yaşlı dayaq yarımmüdafiəçisi 2019-cu ilin yayından “Ayaks”ın heyətində çıxış edir. O bu komanda ilə 2 dəfə Niderland çempionatının qalibi olub. Alvares Meksika millisinin heyətində keçirdiyi 68 oyunda 3 qol vurub.